Snø
Ei utstilling av fotograf Sverre Hjørnevik
Embedded Files
Snø
Iskrystallar i hopetal
Puddersnø og kramsnø
Nysnø og smeltesnø
Snø er eit grenselaust univers. Snø som uro. Snø som balanse. Vakkert og inspirerande å sjå på. Magisk og utfordrande å skri på. Snø i møte med menneske. Menneske i møte med snø. Snø som visuelt objekt. Snø som skiterreng.
Langs fjordar og på fjell.
På vidder og i byar.
Utstillinga Snø spring ut av eit brennande hjarte og nyssgjerrigheit for snø. Drivkrafta er den endelause draumen, draumen om det perfekte bilete av snø. Ynskje om å fange den ektraordinære augneblinken gjennom kameralinsa. På Voss og i Makedonia. I Myrkdalen og i Alaska. I Bømoen og i New York.
Litt om fotografen
Født på Voss 26.06.75. Oppvaksen i skogen på Kyte. I barndommen alt for ofte å sjå i og utanfor løypene på Slettafjellet. Naturfotograf Lars Krempig som nabo, leikekamerat og inspirasjonskilde i gutedagane . Frå 14-årsalderen eit kamera alltid med på fjellturane, ofte med sjølvaste Jarle Trå som turkamerat. Medlem i Voss Fotoklubb med Kjell Herheim som læremeister og nestor. Kjøpte i 2005, på ferie i Japan, sitt fyrste digitalkamera. Fotointeressa skaut fart. Interessa for data, PC-bygging, dataspel, sport, e-sport, bilar, ski, snowboard, terrengsykling og natur kunne brått samlast i ei digital verd. Jobben som politibetjent var ikkje staden å leva ut draumen -.
Tusenvis av bilete seinare er vossingen profesjonell fotograf, med ein sjeldan og mangfaldig CV. Sverre Hjørnevik har vore ambassadør for kameraprodusenten Nikon og vunne prisar både nasjonalt og internasjonalt for sine blinkskot. Han er også ein ettertrakta reklamefotograf og jobbar for ei rekke kjente merkevarer, frå Sylvsmidja til Red Bull. Uansett - det er ein grunn til at Sverre er så etterspurd. I botn ligg nysgjerrigheita og interessa for natur og foto. Det er lidenskapen, som har vore der sidan barndommen, som har skapt denne utstillinga.
Foto : Rune Sævig
Tekst : Jon Hjørnevik
Google Sites
Report abuse